අලිමංකඩදී යුද හමුදා සාමාජිකයින් පිරිසක් ඝාතනය කිරීම සම්බන්ධයෙන් ආන්දෝලනාත්මක ප්‍රකාශයක් සිදුකළ විනායගමූර්ති මුරලිදරන් හෙවත් කරුණා අම්මාන් අද (26) තවත් ආන්දෝලනාත්මක හෙළිදරව්වක් කළේය.
ඒ “මොකද වුණේ” වැඩසටහන සමඟ එක්වෙමිනි.
තමාට විරුද්ධව සිංහල ජනතාවගේ සිත් තුළ වැරදි ප්‍රතිරූපයක් ගොඩනැගීමට සජිත් ප්‍රේමදාස මහතාට අවශ්‍යව ඇති බවත් එමඟින් සිංහල ජනතාවගේ ඡන්ද ලබා ගැනීමට ඔහු උත්සාහ කරන බවත් ඒ මහතා කියා සිටියේය.
ආර්. ප්‍රේමදාස ජනාධිපතිවරයාගේ පාලන කාලය තුළ තමාට අවි ආයුධ සහ මුදල් ලැබුණු බවත් එම අවි ආයුධ භාර ගත්තේ ද තමන් විසින් බවත් විනායගමූර්ති මුරලිදරන් මහතා හෙළිදරව් කළේය.
එසේම තමන් කිසිවිටෙකත් යුද හමුදාවට අපහාස වන ආකාරයෙන් කතා නොකළ බවයි ඒ මහතා වැඩිදුරටත් පැවසුවේ.ගලබොඩඅත්තේ ඥානසාර හිමියන් මුස්ලිම් අන්තවාදයට එරෙහිව ගෙනයනු ලබන වැඩපිළිවෙල තමන් අගය කරන බවත් ඒ මහතා පැවසීය.
එසේම ඉදිරි මහ මැතිවරණයෙන් ජය ලබා තමන් අනිවාර්යයෙන්ම පාර්ලිමේන්තුවට තේරී පත්වන බවත් ඒ මහතා වැඩිදුරටත් කියා සිටියේය.
More Stories
විශ්වවිද්‍යාල අනධ්‍යයන සේවක වර්ජනය අවසන්
ජනාධිපතිවරණයට එරෙහි පෙත්සම නිෂ්ප්‍රභ කෙරේ
ආරක්ෂක අංශ අවහිර නොතකා රාජිත ඇමෙරිකානු තානාපති කාර්යාලයට