කොරෝනා වයිරසය ආසාදනය වී සිටින, ශ්‍රී ලංකා මුස්ලිම් කොංග්‍රස් නායක රවුෆ් හකීම් මහතා ආශ්‍රය කළ සමීපතමයන් සෙවීම සඳහා පාර්ලිමේන්තු කාර්ය මණ්ඩලය පාර්ලිමේන්තුවේ සීසීටීවී දර්ශන විශ්ලේෂණය කරමින් සිටිති.
ඒ මහතාට කොරෝනා වයිරසය ආසාදනය වී ඇති බව අද(10) උදෑසන අනාවරණය විය.
මන්ත්‍රීවරයා ජනවාරි 5 වැනි දින පාර්ලිමේන්තුවේ පැවති සැසියකට සහභාගී වූ බව පාර්ලිමේන්තු ආරංචි මාර්ග සඳහන් කරයි.
කොරෝනා වයිරසය ආසාදනය වීම හේතුවෙන් තමා නිරෝධායනයට යොමු වූ බවද, තමා සමඟ පසුගිය දින 10ක පමණ කාලය තුළ සමීප සබඳතා පැවැත්වූවන්ට නිසි සෞඛ්‍යාරක්ෂිත ක්‍රම අනුගමනය කරන ලෙස ඉල්ලා සිටින බවද මන්ත්‍රීවරයා සිය ට්විටර් ගිණුමෙහි පළ කර ඇත.
මෙම සතියේදී කොරෝනා වයිරසය ආසාදනය වූ දෙවනි මන්ත්‍රීවරයා රවුෆ් හකීම් මහතාය. මීට පෙර පාර්ලිමේන්තු මන්ත්‍රී දයාසිරි ජයසේකර මහතාට ද කොරෝනා වයිරසය ආසාදනය වී ඇති බව තහවුරු වූ අතර, ඒ මහතා මේ වනවිට නිරෝධායනය වෙමින් සිටියි.
More Stories
මහ මැතිවරණයට අදාළ තැපැල් ඡන්ද සලකුණු කිරීම අදින් අවසන්
මහ මැතිවරණයේ ප්‍රචාරණ කටයුතු අවසන් වන දිනය පිළිබඳ දැනුම්දීමක්
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්