ත්‍රිකුණාමලය, කින්නියා, කුරුඤ්ඤංකර්නි ප්‍රදේශයේ කළපුවක පාරුවක් පෙරළීමෙන් ළමුන් පිරිසක් අතුරුදන් වී තිබේ.
එම පාරුවේ ළමුන් හා ගුරුවරු ගමන්කර ඇති බව අප වාර්තාකරු පැවසීය.
ඉන් ළමුන් 7 දෙනෙක් පමණ ගොඩට පිහිනා බේරී ඇති බවත් වාර්තා විය.
-update – 9.35am
ත්‍රිකුණාමලය, කින්නියා, කුරුඤ්ඤංකර්නි ප්‍රදේශයේ කළපුවක පාරුවක් පෙරළීමෙන් එහි ගමන් කරමින් සිටි පුද්ගලයින් කිහිපදෙනෙක් මියගොස් ඇතැයි පොලීසිය පවසයි.
මියගිය පුද්ගලයින් අතර පාසල් ළමුන් ද වන බව පොලීසිය වැඩිදුරටත් සඳහන් කරයි.
සිදුවු අනතුරෙන් පුද්ගලයින් 11 දෙනෙක් තුවාල ලබා ඇති අතර, ඔවුන් මේ වනවිට කින්නියා රෝහලේ ප්‍රතිකාර ලබමින් සිටින බව ද වාර්තා වේ.
මේ වනවිටත් පුද්ගලයින් 6 දෙනෙක් අතුරුදන්ව ඇති අතර ඔවුන් සොයා නාවික කිමිඳුම්කරුවන් හා පොලිස් ජීවිතාරක්ෂක ඒකකයේ කිමිඳුම්කරුවන් එම ප්‍රදේශයේ මෙහෙයුමක් දියත් කර ඇති බවත් පොලීසිය පැවසීය.
පාසල් ළමුන් හා ගුරුවරුන් පිරිසක් රැගෙන ගමන් කරමින් සිටිය දී අද (23) උදෑසන පාරුව පෙරළී ගොස් තිබේ.
කින්නියා සහ කුරුඤ්ඤන්කුලම යා කරමින් මෙම පාරුව සේවයේ යොදවා තිබුණි. ඒ දැනට එහි ඇති පරණ පාලම වෙනුවෙන් නව පාලමක් ඉදිකිරීමට කටයුතු කෙරෙන නිසා බව වාර්තා විය.
More Stories
පාසල් නිවාඩුව අද සිට ඇරඹේ
මාලිමා මන්ත‍්‍රීලාට, ඇමතිලාට වැටුප් නෑ..
මාලිමාවේ ජාතික ලයිස්තුව