පාස්කු ඉරිදා ප්‍රහාරයට සහය ලබා දුන් ශ්‍රී ලාංකිකයන් තිදෙනෙකුට අමෙරිකානු අධිකරණයක් මගින් චෝදනා ගොණු කර තිබෙනවා.
මොහොමඩ් නවුෆර්, මොහොමඩ් අන්වර් මොහොමඩ් රිස්කාන් සහ අහමඩ් මිල්හාන් හයාදු මොහොමඩ් යන පුද්ගලයින්ටයි මෙලෙස ලොස් ඇන්ජලීස් දිස්ත්‍රික් අධිකරණය හමුවේ අපරාධ චෝදනා ගොනු කර ඇත්තේ.
අයි.එස් මතවාදය ප්‍රචලිත කිරීම, පුහුණුව ලබාදීම, පුපුරණ ද්‍රව්‍ය නිපදවීම ඇතුලු චෝදනා ඔවුන්ට එල්ල වී ඇති බව අමෙරිකානු අධිකරණ දෙපාර්තමේන්තතුව නිවේදනය කළා.
කැලිෆෝනියා ප්‍රාන්ත නීති බලධාරියා වන නික් හැනා ප්‍රකාශ කර ඇත්තේ තම පුරවැසියන් ඉලක්ක කර ලෝකයේ ඕනෑම රටකදී එල්ල වන ප්‍රහාරයකට එරෙහිව කටයුතු කිරීමට අමෙරිකානු රජය සූදානම් බවයි.
එමෙන්ම පාස්කු ප්‍රහාරයේ චූදිතයන්ට එරෙහිව ශ්‍රී ලංකා බලධාරීන් නිසි නීති ක්‍රියාමාර්ග ගනු ඇතැයි තවදුරටත් අමෙරිකානු රජය විශ්වාසය පලකරන බවයි හෙතෙම වැඩිදුරටත් සඳහන් කළේ.
2019 වසරේ අප්‍රේල් 21 වනදා එල්ල වු පාස්කු ඉරිදා ප්‍රහාරයෙන් මියගිය 268 දෙනා අතර අමෙරිකානුවන් 05 දෙනෙකු ද සිටියා.
More Stories
මහ මැතිවරණයට අදාළ තැපැල් ඡන්ද සලකුණු කිරීම අදින් අවසන්
මහ මැතිවරණයේ ප්‍රචාරණ කටයුතු අවසන් වන දිනය පිළිබඳ දැනුම්දීමක්
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්