සිංහල හා හින්දු අලූත් අවුරුදු උදාවෙන් පසුව එළඹෙන පළමු පොහොය වන බක් පුර පසළොස්වක පොහොය අදයි.
සුවිශේෂ සිදුවීම් රැසක් බක් පුර පසළොස්වක පොහෝදා සිදුව ඇති බවයි ශාසන ඉතිහාසයේ දැක්වෙන්නේ.
ශ්රී සම්බුද්ධත්වයෙන් පස් වසක් ඇවෑමෙන් බුදුරදුන්ගේ දෙවන ලංකාගමනය අදවන් පොහෝ දිනක සිදුව තිබෙනවා.
නාගදීපයට වැඩම කළ උන්වහන්සේ චුලෝදර සහ මහෝදර නා රජුන් අතර මැණික් පුටුවක් අරබයා ඇතිවූ ගැටුමක් සමතයකට පත්කර ඇති අතර අවසන එම මැණික් පුටුව නිදන් කොට නාගදීප සෑ රදුන් ඉදිකරවා සසුනට පූජා කර ඇති බව සදහන්.
එමෙන්ම සිදුහත් බෝ සතුන්ගේ කුමාර අවදියේදී ගිහිගෙය අතහැර මහා අභිනිෂ්ක‍්‍රමණය කිරීමට හේතුපාදක වූ සතර පෙරනිමිති අතර කියැවෙන මහල්ලෙකුගේ රුව දැක ඇත්තේද අදවන් බක් පුර පසළොස්වක පොහෝ දිනකයි.
ඒ නිමිත්තෙන් දිවයින පුරා වෙහෙරෙ විහාරස්ථාන කේන්ද්‍ර කරගනිමින් ආගමික වතාවත් සිදුකෙරන අතර සිත 88.8 ඔස්සේ අද දිනය පුරා සිත නිවන මග පෝදා විශේෂ විකාශයට ඔබට සවන් දිය හැකියි.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ