බස් 15000 ක් ධාවනය කරන්න බැ

පෞද්ගලික බස් රථ පහළොස් දහසක් පමණ මේ වනවිට ධාවනයට නොහැකි තත්ත්වයට පත්ව ඇතැයි ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා පැවසීය.

දීර්ඝ කාලයක් ධාවනය නොවීම හේතුවෙන් බස් රථ අලුත්වැඩියා කිරීමට සිදුව ඇති බවත් විජේරත්න මහතා සඳහන් කළේය.

එම බස් රථ අලුත්වැඩියා කිරීමට සහ  බස් රථ සේවකයන් සඳහා රජය කඩිනම් සහනයක් ලබා නොදුනහොත් සංචරණ සීමා ඉවත් කළත් බස්රථ ධාවනයට පියවර නොගන්නා බවත් හෙතෙම පැවසීය.

සංචරණ සීමා හේතුවෙන් බස් රථ ධාවනය නොවීමෙන් බස් රථ සේවකයන් පනස් දහසකට සහ බස් රථ හිමියන් 11,000 කට පමණ මේ වන විට කිසිදු ආදායමක් නොමැතිව දැඩි දුෂ්කර තත්වයකට පත්ව ඇති  බවත් විජේරත්න මහතා වැඩිදුරටත් සඳහන් කළේය.