රාජ්‍ය බුද්ධි සේවාවට අනුයුක්තව රාජකාරී කළ පොලිස් කොස්තාපල්වරයාට මරු කැඳ වූ තුම්මුල්ල රිය අනතුරට සම්බන්ධ ඩිෆෙන්ඩර් රථය පැදවූ රියැදුරු ලබන 19 වැනිදා දක්වා යළි රක්ෂිත බන්ධනාගාර ගතකර තිබෙනවා.
පසුගිය 11 වැනිදා රාත්‍රියේ සිදු වූ එම අනතුරට මුහුණ දුන් මෙම පොලිස් කොස්තාපල්වරයා ඊයේ මිය ගියා.
යතුරු පැදියෙන් ගමන් ගත් බුද්ධි අංශ නිලධාරීන් දෙදෙනෙකු එදින ගැටී තිබුණේ ඩිෆෙන්ඩර් රථයකයි.
ඩිෆෙන්ඩර් රථයේ රියැදුරු එම අවස්ථාවේ බීමත්ව සිට ඇති බවත් ඔහු නීති ශිෂ්‍යයෙකු බවත් පොලිසිය සඳහන් කළා.
අනතුරින් තුවාල ලැබූ අනෙක් නිලධාරියා තවදුරටත් කොළඹ ජාතික රෝහලේ ප්‍රතිකාර ලබමින් සිටී.
ජාතික රෝහලේ ප්‍රකාශකයෙකු සඳහන් කළේ එම නිලධාරියාගේ පාදයකට බරපතල ලෙස තුවාල සිදුව ඇති බවයි.
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්