මත්ද්‍රව්‍ය ජාවාරමකට අනුබල දුන් පොලිස් පරීක්ෂකවරයෙක් අත්අඩංගුවට

මත්ද්‍රව්‍ය ජාවාරමකට අධාර අනුබල දීම සම්බන්ධයෙන් අනුරාධපුර කොට්ඨාශ අපරාධ විමර්ශණ ඒකකයේ පොලිස් පරීක්ෂකවරයෙක් අද (18) පෙරවරුවේදී අත්අඩංගුවට ගෙන තිබෙනවා.

ඔහු සතුව තිබී හමුවූ ජංගම දුරකථන 05 ක් පරීක්ෂා කිරීමේදී මත්ද්‍රව්‍ය ජාවාරම් සදහා අදාල පොලිස් පරීක්ෂකවරයා සම්බන්ධ බවට වන සාක්ෂිද හමු වූ බවයි පොලීසිය සදහන් කළේ.

ඔහුව අද අනුරාධපුර අධිකරණයට ඉදිරිපත් කිරීමෙන් අනතුරුව දින 07ක රැදවුම් නියෝග ලබාගෙන ඉදිරි විමර්ශණ පවත්වන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා කියා සිටියා.