සමානුපාතික මැතිවරණ ක්‍රමය යටතේ මෙරට දේශපාලන ව්‍යාපාරයක් ලබා ගත් විශිෂ්ටතම ජයග්‍රහණයට හිමිකම් කීමට ශ්‍රී ලංකා පොදුජන පෙරමුණ සමත් වී තිබේ.
ශ්‍රී ලංකා පොදුජන පෙරමුණ ජයග්‍රහණය කළ මන්ත්‍රී ධුරය සංඛ්‍යාව 145ක්. දිස්ත්‍රික්ක 22න් 18ක බලය අත්පත් කර ගැනීමට ශ්‍රී ලංකා පොදුජන පෙරමුණ සමත්වීම විශේෂත්වයක්. ශ්‍රී ලංකා පොදුජන පෙරමුණ ලබාගෙන ඇති ඡන්ද සංඛ්‍යාව 68,53690ක්. එය සියයට 59.09ක අගයක්.
ජාතික ලැයිස්තුවෙන් හිමි වූ මන්ත්‍රීධුර 17 සමග පාර්ලිමේන්තුවේ ආසන 145කට හිමිකම් කීමට ශ්‍රී ලංකා පොදුජන පෙරමුණ සමත් වී තිබේ.
ඒ සඳහා පත් කෙරෙන අපේක්ෂකයින්ගේ නම් ශ්‍රී ලංකා පොදුජන පෙරමුණ විසින් අද මැතිවරණ කොමිෂන් සභාව වෙත බාරදෙනු ලැබීය. මහාචාර්ය ජී එල් පීරිස්, නීතීඥ සාගර කාරියවසම්,හිටපු මහබැංකු අධිපති,අජිත් නිවාඩ් කබ්රාල්, ජනාධිපති නීතීඥ මොහොමඩ් අලි සබ්රි, ජනාධිපති නීතීඥ ජයන්ත වීරසිංහ, මංජුලා දිසානායක, මහාචාර්ය රංජිත් බණ්ඩාර, මහාචාර්ය චරිත හේරත්, ගෙවිඳු කුමාරතුංග, මොහොමඩ් මුසම්මිල්, මහාචාර්ය තිස්ස විතාරණ,ඉංජිනේරු යදාමිණී ගුණවර්ධන, ආචාර්ය සුරේන් රාගවන්, තිරාන් අලස්, විශේෂඥ වෛද්‍ය සීතා අරඹේපොළ, හිටපු පාර්ලිමේන්තු මන්ත්‍රී ජයන්ත කැටගොඩ, මොහොමඩ් ෆලීල් මර්ජාන් යන මහත්ම මහත්මීන් එම ලැයිස්තුවට ඇතුලත් බව ශ්‍රී ලංකා පොදුජන පෙරමුණ අද නිකුත් කළ නිවේදනයේ සඳහන්.
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්