කොවිඩ් මළසිරුරු පැය 24ක් ඇතුළත් ආදාහනය කෙරෙන ගැසට්ටුවට අදාළ 61 රෙගුලාසිය බලරහිත කරන්නැයි ඉල්ලා ගොනු කර තිබූ මූලික අයිතිවාසිකම් පෙත්සම සලකා බැලීම සඳහා මෙම 30 වැනිදා යළි කැඳවීමට ශ්‍රේෂ්ඨාධිකරණය ඊයේ (26 වැනිදා) නියෝග කළේය.
හිටපු ඇමැති රිෂාඩ් බදියුදීන්ගේ මුස්ලිම් මක්කල් පක්ෂය, ඔහු ඇතුළු එම පක්ෂයේ මන්ත්‍රීවරු, ශ්‍රී ලංකා මුස්ලිම් කොංග්‍රස් පක්ෂයේ නායක රවුෆ් හකීම් කොරෝනා රෝගයෙන් මිය ගිය අයකුගේ ඥාතියෙක් ඇතුළු 12 දෙනකු ශ්‍රේෂ්ඨාධිකරණයට පෙත්සම් ගොනු කර ඇත.
පෙත්සම්කරුවන් කියා සිටින්නේ කොවිඩ් රෝගයෙන් මිය යන පුද්ගලයන්ගේ (විශේෂයෙන් මුස්ලිම් ජාතිකයන්ගේ) මළසිරුරු ඔවුන්ගේ සුපුරුදු ආගමික චාරිත්‍රවලට අනුව භූමිදාන කිරීමට ඉඩ දිය යුතු බවයි.
බුවනෙක අළුවිහාරේ, සිසිර ද ආබෲ, ගාමිණී අමරසේකර යන ත්‍රිපුද්ගල ශ්‍රේෂ්ඨාධිකරණ විනිසුරු මඬුල්ල හමුවේ ඊයේ (26 වැනිදා) මෙම පෙත්සම කැඳවන ලදී.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ