හිටපු ශ්‍රී ලංකා ක්‍රිකට් කණ්ඩායමේ නායක මහේල ජයවර්ධන අද (21) ඉන්දීය ප්‍රීමියර් ලීග් තරඟාවලියට සහභාගී වීම සඳහා එක්සත් අරාබි එමීර් රාජ්‍යය බලා පිටත්ව ගොස් තිබෙනවා.
මහේල මෙවර මුම්බායි ඉන්දියන්ස් කණ්ඩායමේ පුහුණුකරු තනතුර දරන්නේ අඛණ්ඩව 4වන වතාවටයි.
ගියවර IPL කුසලානය මුම්බායි ඉන්දියන්ස් කණ්ඩායම ජයග්‍රහණය කෙළේ මහේලගේ මෙහෙය වීමෙනි.
මේ අතර, ‘සන්රයිසස් හයිද්‍රාබාද්’ කණ්ඩායමේ පන්දු යැවීමේ පුහුණුකරුවෙකු ලෙස කටයුතු කරන හිටපු ක්‍රිකට් ක්‍රීඩක මුත්තයියා මුරලිදරන් ද එම කණ්ඩායමේ ශාරීරික යෝග්‍යතා පුහුණුකරු ලෙස කටයුතු කරන මාරියෝ වෙල්ලවරායන් ද සැප්තැම්බර් 4 වැනි දින එක්සත් අරාබි එමීර් රාජ්‍යය බලා පිටත්ව යාමට නියමිතයි.
මෙවර ඉන්දීය ප්‍රීමියර් ලීග් තරඟාවලිය සැප්තැම්බර් 09 වන දින සිට නොවැම්බර් 08 දක්වා ඩුබායි හි දී පැවැත්වේ.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ