කොරෝනා ව්‍යාප්තිය පාලනය කිරීම සඳහා පලඳින මුහුණු ආවරණ පාවිච්චි කිරීමෙන් අනතුරුව පරිසරයට මුදාහරින පුද්ගලයන් අත්අඩංගුවට ගන්නා ලෙස පරිසර පොලිසියට උපදෙස් ලබා දී ඇතැයි පරිසර අමාත්‍ය මහින්ද අමරවීර මහතා පවසයි.
මෙම මුහුණු ආවරණ නිසි ක්‍රමවේදයෙන් තොරව පරිසරයට මුදා හැරීම නිසා මහත් ව්‍යසනකාරී තත්ත්වයකට මුහුණ දී ඇති බවත් මෙය පාලනය කිරීම සඳහා කිහිප අවස්ථාවකදීම මධ්‍යම පරිසර අධිකාරිය සමග සාකච්ඡා කර ඇති බවත් එහි අවසාන විසඳුම ලෙස එම කාර්ය පාලනය කිරීම පරිසර පොලිසියට ලබා දුන් බව අමාත්‍යවරයා පවසයි.
මෙලෙස නිසි ක්‍රමවේදයකින් තොරව පරිසරයට මුදාහරින මුහුණු ආවරණ සම්බන්ධයෙන් නීතිමය පියවර ගැනීමට මධ්‍යම පරිසර අධිකාරියට බලයක් නොමැති අතර එය පාලනය කිරීම මහජනතාවගේ වගකීමක් හා යුතුකමක් සේ සලකා ක්‍රියා කිරීම ජනතාව සතු බව ඔහු පවසයි.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ