මෙරට පැවැත්වීමට තිබූ ආසියානු කුසලාන ක්‍රිකට් තරගවලිය කල්දැමේ

මේ වසරේ ශ්‍රී ලංකාවේ පැවැත්වීමට නියමිතව තිබූ ආසියානු කුසලාන ක්‍රිකට් තරගවලිය කල් දමා තිබේ.

ආසියානු ක්‍රිකට් කවුන්සිලය ඊයේ (23) මේ බව සඳහන් කළේය.

2021 වසරේ ආසියානු කුසලාන ක්‍රිකට් තරගාවලිය පැවැත්වීමට නියමිතව තිබුණේ ශ්‍රී ලංකාවේදී වන අතර 2020 වසරේ පැවැත්වීමට නියමිතව තිබූ ආසියානු කුසලාන තරගාවලියද කොවිඩ් -19 හේතුවෙන් නොපැවැත් වුණි.

ඒ අනුව තරගාවලිය පැවැත්වීමට සුදුසු කාලයක් මේ වසරේදී නොමැතිවීම හේතුවෙන් ආසියානු කුසලාන තරගාවලිය 2023 වසර දක්වා කල් දැමීමට තීරණය කර තිබේ.

නිවේදනයක් නිකුත් කළ ආසියානු ක්‍රිකට් කවුන්සිලය පවසන්නේ ඉදිරියේදී තරගාවලියන් පැවැත්වෙන දින පසුව දැනුම් දෙන බවය.