පෝය නිසා උත්සවය දින දෙකකට සීමා වෙයි
හජ් උත්සව සමයේ මුස්ලිම් ජනතාව විසින් මුස්ලිම් දේවස්ථාන තුල සිදු කරනු ලබන සත්ව ඝාතන සඳහා මෙවර අවසර නොදීමට මුස්ලිම් ආගමික සහ සංස්කෘතික කටයුතු දෙපාර්තමේන්තුව සහ වකුෆ් සභාව තීරණය කර තිබේ.
හජ් උත්සව සමයේ මුස්ලිම් ජනතාව විසින් දානමය කටයුත්තක් වශයෙන් මෙම සතුන් ඝාතනය සිදු කරනු ලබයි.
කිසිදු මුස්ලිම් දේවස්ථාන පරිශ්‍රයක සතුන් ඝාතනය සඳහා අවසර ලබා නොදෙන බවට සියලු මුස්ලිම් දේවස්ථාන භාරකාර මණ්ඩල වෙත මුස්ලිම් ආගමික සහ සංස්කෘතික කටයුතු දෙපාර්තමේන්තුවේ අධ්‍යක්ෂ ඒ.බි.එම්. අෂ්රෆ් මහතා විසින් ලිඛිතව දන්වා යවා තිබේ.
මුස්ලිම් ජනතාවගේ හජ් උත්සවය ලබන 21 වනදා සමරනු ලබන අතර එදින සිට දින තුනක් මෙම දානමය කටයුත්ත සිදු කළ හැකියි.
කෙසේ නමුත් මෙවර 23 වනදා පෝය දිනයක් වන බැවින් එය දින දෙකකට පමණක් සීමා වෙයි.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ