කොරෝනා නීති නොතකා දෙවියන් පුදන්න දහස් ගණනක් ගගේ බැහැලා නාලා
යාපනය පේදුරුදුඩුව ප්‍රදේශයේ හින්දු කෝවිල් දෙකක භාරකාර මණ්ඩලයන් විසින් නිරෝධානය නීති උල්ලංඝනය කරමින් පූජාවන් පැවත්වීම හේතුවෙන් ඊයේ(08) සිට දින 14 ක කාලයක් වසා තැබීමට පේදුරුතුඩුව සෞඛ්‍ය නිලධාරී කාර්යාලය පියවර ගෙන තිබේ.
පේදුරුතුඩුව සුපර්මඩම් ප්‍රදේශයේ මුණියප්පර් සහ සිවන් හින්දු කෝවිල්හි වාර්ෂික දේව පූජාවන් සඳහා විශාල පිරිසක් සෞඛ්‍යාරක්ෂිත පියවර අනුගමනය නොකරමින් සහභාගී වී තිබේ.
මේ පිළිබඳව සෞඛ්‍ය නිලධාරී කාර්යාලයට පැමිණිලි ලැබීමෙන් අනතුරුව එහි නිලධාරීන් විසින් අදාල කෝවිල් දින 14 ක කාලයකට මුද්‍ර තැබූ අතර කොවිල් භාරකාර මණ්ඩලයන්ටද නිරෝධායනය වන ලෙසට දැනුම් දී ඇත.
පේදුරුතුඩුව ප්‍රදේශයේ දැඩි කොරෝනා අවධානමක් පවතින අතර මේ වන විටත් පුද්ගලයින් දෙදහසකට අධික පිරිසක් නිවෙස්හි නිරෝධායනය වෙමින් පවතී.
මේ අතර මඩකලපුව මාමාම්ගා ඊශ්වර කෝවිලේ පැවති ආගමික උත්සවයක් සඳහා විශාල පිරිසක් ඒකරාශි වී ඇති අතර එම පිරිස සිය ආගමික චාරිත්‍රානුකූලව අනුව ගංගා දියට බැස එම ජලය ස්නානය කර තිබේ.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ