‘‘රජය ගොවියන්ගේ වී පැහැරගෙන යනවා‘‘

රජය ගෙවල්වලට හොරු පනිනවා වගේ පැනල බලහත්කාරයෙන් වී පැහැරගෙන යන තත්ත්වයකට පත්වෙලා යැයි මැදිරිගිරිය වටදාගෙය භාරකාර මොරගොල්ලාම සීවලී හිමියෝ පවසති.

මැදිරිගිරිය මණ්ඩලගිරිය රාජමහා විහාරස්ථානයේ පැවති මාධ්‍ය හමුවකදී විහාරාධිපති හිමියෝ ඒ බව පැවැසූහ.

මොරගොල්ලාගම සීවලී හිමියෝ මෙසේද කීහ.

මේ මුළු දිවයිනේම ගොවියෝ විශාල අර්බුදයකට පත්වෙලා ඉන්නවා. ඔවුන් ඔවන්ගේ කණ කර පවා උකස් කරලා ගොවිතැන් කරන මොහොතක නෙලා ගත්ත අස්වනු නිසි මිලකට ලබා දීමට නොහැකි වෙල. ඒ නිසා ඔවුන් ඒ අස්වනු නිවෙස්වල ගබඩා කරගෙන සිටිනවා. ගොවියා ඒහෙම කරන්නේ තමන් දුක් මහන්සියෙන් හරි හම්බ කර ගත් ඒ අස්වැන්න සාධාරණ මිලකට ලබා ගන්නැයි නාඩු වී වලට අඩු තරමින් රුපියල් 65, සම්බාවලට රුපියල්75,කීරි සම්බා සඳහා රුපියල් 90 වශයෙන් මිලකට වී අලෙවි කර ගැනීමට හැකිනම් පමණයි ගොවියට ඔවුන්ගේ අස්වැන්නට සරිලන මිලක් ලැබෙන්නේ.

පසුගිය කන්න ගණනාවක් තිස්සේ ඔවුන්ට යහපත් වී මිලක් තිබුණා. රජය විදිහට වගකිව යුත්තන් විදිහට මේ පිළිබඳව ඉතාමත් සංවේදීව දුප්පත් අසරණ මිනිහ පිළිබඳව හිතන්න ඕනේ. කුඹුරු අක්කරයක් දෙකක් තියෙන ගොවියා ඔවුන්ට ඒ කොටස වගා කරගන්න බැරි වුණම පොරොන්දුවට දීලා තමයි වී ඇටයක් ගන්නේ. ඒ නිසා වී වලට නිසි මිලක් ඒනකල් ගොවිතැන් කරපු මිනිහා වී ටික ගබඩා කරගෙන ව්‍යාපාරිකයන්ටවත් නොදී ඉන්න තත්ත්වෙට පත්වෙලා.

රටපුරාම ආන්දෝලන මැසිවිලි පවතින වෙලාවක අහින්සක මිනිහත් ගොවියත් බේරා ගැනීමේ වැඩපිළිවෙලක රජය කටයුතු නොකළොත් නුදුරේදී විශාල අර්බුදයකට පත්වෙනවා කියලා අපි කියනවා.

රජය වී කිලොවක් රුපියල් 55 තීන්දු කරපු බවක් අපිට දකින්න ලැබුණා ඒ ඒකට ගොවියා සතුටු වන මට්ටමක් අපිට පෙනෙන්න නෑ. වී කිලෝවක් රුපියල් 55ට දීලා සිමෙන්ති මිටියක් ගන්න පුළුවන්ද සිමෙන්ති කොට්ටයක් රුපියල් 1300 යි, මේසන් බාස් කෙනකුගේ වැටුප රුපියල් 3000 යි. වැලි ටේලරයක් රුපියල් 10.000 විතර වෙනවා. මිනිහකුට ගෙයක් හදාගන්න බැරි මට්ටමකට පත්වෙලා තියෙනවා. සිල්ලට බඩු මිල අධික ලෙස ඉහළ ගිහින් තියෙනවා. මේවා මිනිසුන්ට උහුලන්න බැරි තරමටම මිල වැඩි වෙලා තියෙනවා. ඒත් වී මිලට සාධාරණයක් වුනේ නෑ.