මත්පැන් නිෂ්පාදනය කිරීම සඳහා අලුතින් බලපත්‍ර කීපයක් නිකුත් කිරීමට කටයුතු කරමින් තිබෙන බව මුදල් අමාත්‍යංශ ආරංචි මාර්ග කියයි.
මේ වන විට ශ්‍රී ලංකාවේ මත්පැන් නිෂ්පාදනය සඳහා බලපත්‍රලාභී සමාගම් 24ක් තිබෙන අතර අලුතින් ලබාගැනීමට ඉල්ලුම්කර ඇත්තේ දැනට බලපත්‍ර හිමි සමාගම් දෙකක් බව එහි ආරංචි මර්ග සඳහන් කරයි.
ශ්‍රී ලංකාවේ මත්පැන් නිෂ්පාදනය අවශ්‍යතාවයට වඩා වැඩිවන අතර තවත් බලපත්‍ර ලබාදීමෙන් මත්පැන් නිෂ්පාදනය අසීමිත ලෙස ඉහළ ගොස් රටතුළ ආර්ථික සමාජ හා සංස්කෘතික ගැටළු රැසක් මතුවිය හැකි බවටද ඇතැම් පිරිස් චෝදනා කරති
මේ පිළිබඳව සුරාබදු කොමසාරිස් ජනරාල් එම්.ජේ. ගුණසිරි මහතා ගෙන් කළ විමසීමකදි කියා සිටියේ බියර් නිෂ්පාදනය සඳහා ඉල්ලුම්පත් හතරක් ලැබී තිබෙන බවයි.
මත්පැන් නිෂ්පාදනය සඳහා බලපත්‍ර නිකුත් කිරීමේ බලය මුදල් අමාත්‍යවරයා සතුවන අතර මුදල් අමාත්‍යංශයේ දැනුම් දීම මත එම ඉල්ලුම්කාර සමාගම් පිළිබඳව නිර්දේශ ඉදිරිපත් කිරීම සුරබාදු දෙපාර්තමේන්තුව මගින් සිදුකරන බව ද ගුණසිරි මහතා කියයි.
සුරාබදු දෙපාර්තමේන්තුව මේ සම්බන්ධයෙන් තවමත් කිසිදු පියවරක් ගෙන නැතැයි ද කොමසාරිස් ජනරාල්වරයා සඳහන් කරයි.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ