ගම්පහ රතුපස්වල ජනතාව පිරිසිදු පානීය ජලය ඉල්ලා වැලිවේරිය නගරයේ දී කළ උද්ඝෝෂණයට පැමිණි පිරිසකට පහර දී වෙඩිතබා තිදෙනකු ඝාතනය කිරීම සම්බන්ධයෙන් යුද හමුදාවේ බ්‍රිගේඩියර් අරුණ දේශප්‍රිය ඇතුළු සාමාජිකයින් 4දෙනාට විරුද්ධව ගම්පහ මහාධිකරණය හමුවේ නීතිපතිවරයා විසින් චෝදනා ගොනු කර ඇති නඩුව අප්‍රේල් 23 වෙනිදාට කල්තැබීමට අද (29) නියම කෙරුණා.
ගම්පහ අංක 01 මහාධිකරණ විනිසුරු නිමල් රණවීර මහතා රාජකාරි නිවාඩු ලබා ඇති හෙයින් එම නඩුව කල් තබා තිබෙනවා.
මේනකා විජේසුන්දර, නිමල් රණවීර සහ නිශාන්ත හපුආරච්චි යන ත්‍රිපුද්ගල මහාධිකරණ විනිසුරු මඩුල්ල ඉදිරියේ දී අද (29) නඩුව විභාගයට ගැනීමට නියමිතව තිබුණි.
වර්ෂ 2013 දී වැලිවේරිය නගරයේ දී යුද හමුදාව කළ වෙඩි තැබීමේදී රවිසාන් පෙරේරා සහ අකිල දිනේෂ් යන දෙදෙනා මිය ගොස් තිබු අතර පහර කෑමට ලක්ව නිලන්ත කුමාර යන අය මිය ගොස් තිබුණා.
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්