කොළඹ වරාය නගර ආර්ථික කලාප විශේෂ කොමිෂන් සභා පනත් කෙටුම්පත මගින් ඇති කරන මධ්‍යස්ථානය කළු සල්ලි මධ්‍යස්ථානයක් නොවේ නම් එය සනාථ කරන සංශෝධන පනතට ගෙනැවිත් පෙන්වන්නැයි හිටපු අග්‍රාමාත්‍ය එක්සත් ජාතික පක්ෂ නායක රනිල් වික්‍රමසිංහ මහතා විශේෂ ප්‍රකාශයක් කරමින් පවසයි.
මෙි සම්බන්ධයෙන් නීතියක් ගෙනැවිත් ශ්‍රේෂ්ඨාධිකරණයේ ද උපදෙස් ගෙන සම්මත කරගත යුතු බව කී වික්‍රමසිංහ මහතා හැම රටකම මෙවැනි නීති තිබෙන බවත් එසේ නැතිව රෙගුලාසි පමණක් හදන්නේ නැති බවත් කීය.
එමෙන්ම වරාය නගරය මහ බැංකුවේ සම්පූර්ණ පාලනයට නොදෙන්නේ ඇයි?වරාය නගරය පාර්ලිමේන්තු පාලනයෙන් ඉවත් කර ඇත්තේ ඇයි? පාර්ලිමේන්තුවෙන් මෙම නීති සම්මත කරන්නට බල තල නොදෙන්නේ ඇයි? යනුවෙන් ප්‍රශ්න කළ හිටපු අග්‍රාමාත්‍යවරයා නිසි ක්‍රමවේද අනුගමනය නොකළ හොත් සිතන්නට සිදුවන්නේ මෙය කළු සල්ලි මධ්‍යස්ථානයක් හැටියට බවද කීය.එවැනි දෙයක් සිදු වුවහොත් එය ලංකාවේ ආර්ථිකයට මරු පහරක් වන බවත් හරියට කටයුතු කරනවා නම් මේ තත්ත්වයෙන් ගොඩ එන්නට හැකියාව තිබෙන බවත් රනිල් වික්‍රමසිංහ මහතා වරාය නගරය පිළිබඳව විශේෂ ප්‍රකාශය කරමින් වැඩිදුරටත් සඳහන් කළේය.
- lankadeepa online
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ