බන්ධනාගාර ප්‍රතිසංස්කරණ හා සිරකරුවන් පුනරුත්ථාපන රාජ්‍ය අමාත්‍ය විශේෂඥ වෛද්‍ය සුදර්ශිනී ප්‍රනාන්දුපුල්ලේ පසුගියදා සිරකරුවන්ගේ කෑමවල රස බැලීමට කටයුතු කර තිබෙනවා.
පල්ලෙකැලේ එළිමහන් සිරකදවුරේ නිරීක්ෂණයට එක්වූ රාජ්‍ය අමාත්‍යවරිය සිය නිරීක්ෂණය අතරතුර රැදවියන්ට ආහාර ලබාදෙන මොහොතේ ඇය විසින් එම ආහාර රස බැලීමට කටයුතු කළා.
තමන්ට රැදවියන්ගේ ආහාර වේල සම්බන්ධයෙන් විවිධ පැමිණිලි ලැබෙන බවත් ඒ සම්බන්ධයෙන් සොයා බලන ලෙසත් ඉල්ලීම් ලැබෙන බව රාජ්‍ය අමාත්‍යවරිය මෙහිදී සදහන් කර සිටියා. එහිදී ඇමතිතුමිය විසින් බලධාරීන්ට උපදෙස් දෙනු ලැබුවේ රැදවියන්ට ලබාදෙන කෑමවේල සම්බන්ධයෙන් වඩාත් සැලකිලිමත් වන ලෙසයි. සිරකරුවන්වුවද මනුෂ්‍යයින් ලෙස සලකා කටයුතු කිරීම වැදගත්වන බවත්, ඔවුන් යහපත් පුරවැසියන් කර සමාජගත කිරීමට අවශ්‍ය පරිසරය නිර්මාණය කිරීම සැමගේ යුතුකම හා වගකීම බව රාජ්‍ය ඇමතිනිය මෙහිදී සදහන් කර සිටියා.
මෙම අවස්ථාවට බන්ධනාගාර ප්‍රතිසංස්කරණ හා සිරකරුවන් පුනරුත්ථාපන රාජ්‍ය අමාත්‍යාංශයේ ලේකම් ගීතාමනී කරුණාරත්න, බන්ධනාගාර කොමසාරිස් ජනරාල් තුෂාර උපුල්දෙනිය, කොමසාරිස් පුනරුත්ථාපන චන්දන ඒකනායක, කොමසාරිස් බුද්ධි මෙහෙයුම් ටී.අයි උඩුවර ඇතුළු පිරිසක් එක්ව සිටියා.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ