කොවිඩ් නව වයිරසය පැතිර යාමේ අවදානම හමුවේ රාත්‍රී දුම්රියේ තැපැල් මැදිරි (ජංගම තැපැල් කාර්යාල) නැවත දැනුම් දෙන තුරු අත්හිටවූ බව නියෝජ්‍ය තැපැල්පති (මෙහෙයුම්) රාජිත රණසිංහ මහතා පවසයි.
ඒ අනුව කොළඹ සිට බදුල්ල දක්වා ධාවනය වන දුම්රියේ තැපැල් මැදිරිය, යාපනය දක්වා ධාවනය වන දුම්රියේ තැපැල් මැදිරිය, මහනුවර දක්වා ධාවනය වන දුම්රියේ තැපැල් මැදිරිය, සහ ගාල්ල දක්වා ධාවනය වන දුම්රියේ තැපැල් මැදිරිය සහ එම නගරවල සිට කොළඹ දක්වා ධාවන වන තැපැල් දුම්රිය හතරේ තැපැල් මැදිරි ද නැවත දැනුම් දෙන තුරු අතිහිටවූ බව ද රණසිංහ මහතා කියයි.
එම ජංගම මැදිරි වෙනුවට ධාරිතාව අනුව වෑන් හෝ ලොරි රථ යොදා ගනිමින් තැපැල් මලු ගෙනයාම සිදු කිරීමට තීරණය කළ බවත් හෙතෙම සඳහන් කළේය.
මේ අතර කෝවිඩ් 19 වැළඳුණු සේවකයන් හා නිලධාරීන් හේතුවෙන් කළුතර කෙසෙල්වත්ත ප්‍රධාන තැපැල් කාර්යාලය හා ගොරකාන, රෙමුණ,බොලස්සගම, වෙට්ටුමකඩ හන්දිය, පල්ලේබැද්ද, මහකළුගල්ල, කුමාරගම, බලශක්තිපුර, දෙහිගහලන්ද, රඹුක්වැල්ල යටිමාදුර, බතීගම, මෙනරාගල කච්චේරිය යන උපතැපැල් කාර්යල 13ක් වසා දමා ඇති බව නියෝජ්‍ය තැපැල්පතිවරයා කියයි
කෙසෙල්වත්ත තැපැල් කාර්යාලයේ මෙහෙයුම් කටයුතු කළුතර ප්‍රධාන තැපැල් කර්යාලයෙන්ද අලෙක් තැපැල් කාර්යාලවල මෙහෙයුම් කටයුතු ඒ ඒ කාර්යාලවලට අදාල ප්‍රධාන තැපැල් කාර්යාලවලින් ද සිදු කරන බව ඔහු සඳහන් කරයි.
- Lankadeepa news
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්