ලබන සතියේ පාසල් පවත්වන ආකාරය සම්බන්ධයෙන් අද දිනයේදී අවසන් තීරණයක් ගැනීමට නියමිතව තිබෙනවා.
අධ්‍යාපන බලධාරීන් අද සමාලෝචනයක් සිදුකිරීමෙන් අනතුරුව ඉදිරි සතියේ අධ්‍යාපන කටයුතු සිදුකරන ආකාරය තීරණය කරන බවයි අධ්‍යාපන අමාත්‍යංශය කියා සිටියේ.
ඉන්ධන අර්බුදය හමුවේ පැන නැගී ඇති ප‍්‍රවාහන අසීරුතා හේතුවෙන් ගත වූ සතියේ දී කොළඹ අධ්‍යාපන කලාපයේ සියලුම පාසල් සහ බස්නාහිර පළාතේ සියලු ප‍්‍රධාන නගරවල පාසල් සඳහා නිවාඩු ලබා දීමට එම අමාත්‍යාංශය තීරණය කළා.
ප‍්‍රවාහන ගැටළු නොමැති දිවයිනේ සියලුම ග‍්‍රාමීය පාසල් විදුහල්පතිවරුන්ගේ අභිමතය පරිදි පවත්වාගෙන යාමටත් තදාසන්න නගරවල පාසල් අධ්‍යයන කටයුතු ඔන්ලයින් ක‍්‍රමයට සිදු කිරීමටත් අවස්ථාව ලබා දී තිබුණා.
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්