වසර එකහමාරක කාලයක් පුරා වාහන ආනයනය තහනම් කිරීමට ආණ්ඩුව ගත් පියවර හේතුවෙන් වාහන අලෙවිකරුවන්ගෙන් 60%කට තමන්ගේ ව්‍යාපාරික ස්ථාන වසා දැමීමට සිදුව ඇතැයි වාහන ආනයනකරුවන්ගේ සංගමය පවසයි.
අලෙවිය සඳහා වාහන නොමැති වීම නිසා පාවිච්චි කළ හා නොකළ වාහන ආනයන කරන ව්‍යාපාරිකයින්ට මෙසේ ව්‍යාපාරික ස්ථාන වසා දැමීමට සිදුව ඇතැයි ප්‍රකාශ කරන එම සංගමයේ සභාපති සම්පත් මෙරෙන්චිගේ මෙම ආනයන තහනම හේතුවෙන් වාහන මිල ගණන් 15% සිට 30% අතර ප්‍රමාණයකින් ඉහළ ගොස් ඇතැයි ප්‍රකාශ කරයි.
තම කර්මාන්තය රැකගැනීම සඳහා ආණ්ඩුවෙන් හෝ බැංකුවලින් කිසිදු සහනයක් ලැබී නැති බවද ඔහු පෙන්වා දෙයි.
වාහන ආනයන කර්මාන්තයේ ඍජු හා වක්‍ර රැකියාවල නිරත ලක්ෂයක පමණ පිරිසක් මේ හේතුවෙන් පීඩාවට පත්ව සිටින බවද වාර්තා වේ.
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්