වැලි ජාවාරම්කරුවෙකු විසින් ඝාතනය කළ කොස්තාපල්ට සැරයන් තනතුරක්

කොබෙයිගනේ හාතලව ප්‍රදේශයේදී වැලි ජාවාරමක් වැටලීමට යාමේදී ජාවාරම්කරුවෙකු විසින් ටිපර් රථයකට යටකර මරණයට පත් කල 32 හැවිරිදි පොලිස් කොස්තාපල්වරයා වහාම ක්‍රියාත්මක වන පරිදි සැරයන් තනතුරට උසස් කිරීමට පොලිස්පතිවරයා විසින් උපදෙස් දී තිබෙනවා.

ඔහුගේ අවසාන කටයුතු ඉදිරියේදි රස්නායකපුර ප්‍රදේශයේදී පූර්ණ පොලිස් උත්තමාචාර යටතේ සිදුකිරීමට නියමිත බවයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කලේ.