නාවික හමුදාව මන්නාරම තාල්පාඩු වෙරළ තීරයේ සිදුකල විශේෂ සෝදිසි මෙහෙයුමක් මගින් නීති විරෝධී ලෙස මුහුදු මාර්ගයෙන් මෙරටට රැගෙන එමින් තිබූ කහ කිලෝග්‍රෑම් 902 කට අධික තොගයක් සමඟ සැකකරුවන් දෙදෙනෙක් නාවික හමුදා භාරයට ගැනීමට කටයුතු කෙරේ.
උතුරු මැද නාවික විධානය විසින් මන්නාරම තාල්පාඩු වෙරළ තීරයේ සිදු කල මෙම විශේෂ මෙහෙයුමේදී වෙරළ තීරයට පැමිණි සැක සහිත ඩිංගි යාත්‍රාවක් පරීක්‍ෂා කිරීමේදී එහි තිබී නීති විරෝධී ලෙස මුහුදු මාර්ගයෙන් මෙරටට ගෙන ඒමට උත්සහ කළ, ගෝනි මලු 19 ක අසුරන ලද කහ කිලෝග්‍රෑම් 902 කට (තෙත බර සහිතව) අධික තොගයක් සොයා ගන්නා ලදි.
ඒ අනුව, අදාල ඩිංගි යාත්‍රාවේ සිටි සැකකරුවන් දෙදෙනෙක් (02) සහ ඩිංගි යාත්‍රාවද නාවික හමුදා භාරයට ගැනීමට කටයුතු කෙරිණි.
නාවික හමුදා භාරයට ගන්නා ලද සැකකරුවන් වයස අවුරුදු 22 ක් සහ 48 ක් වන මන්නාරම, පුදුකුඩිඉරිප්පු ප්‍රදේශයේ පදිංචිකරුවන් බවට හඳුනාගන්නා ලදි.
නාවික හමුදා භාරයට ගත් කහ තොගය ඉදිරි පරීක්‍ෂණ කටයුතු සඳහා යාපනය රේගු කාර්යාලය වෙත භාර දීමටත්, සැකකරුවන් නිරෝධායන කටයුතු සඳහා මන්නාරම සෞඛ්‍ය වෛද්‍ය නිලධාරී වෙත භාර දිමටත් කටයුතු කර ඇත.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ