ශ්‍රී ලංකාව හා ඔස්ට්‍රේලියාව අතර විස්සයි විස්ස තරඟාවලියේ පැවැත් වූ පස්වන හා අවසන් විස්සයි විස්ස තරඟයෙන් කඩුලු 5 ක ජයක් වාර්තා කිරීමට ශ්‍රී ලංකා කණ්ඩායම සමත් වුණා.
කාසියේ වාසිය දිනාගත් ඔස්ට්‍රේලියා කණ්ඩායම පන්දුවට පහරදීමට තීරණය කළා.
ඒ අනුව පන්දුවට පහරදීම සඳහා පිටියට පිවිසි ඔස්ට්‍රේලියා කණ්ඩායම සිය පන්දුවාර 20 තුළ කඩුලු 6 ක් දැවී ලකුණු 154 ක් ලබා ගැනීමට සමත් වුණා.
පන්දුවට පහරදීමේදී Matthew Wade ලකුණු 43 ක් Glenn Maxwell ලකුණු 29 ක් හා Josh Inglis ලකුණු 23 ක් ලබා ගැනීමට සමත් වුණා.
පන්දු යැවීමේදී ළහිරු කුමාර කඩුලු 2 හා දුෂ්මන්ත චමීර කඩුලු 2 බිඳ හෙළීමට සමත් වුණා. පිළිතුරු ඉනිම සඳහා පිටියට පිවිසි ශ්‍රී ලංකා කණ්ඩායම අවසන් පන්දුවාරයේදී සිය ජයග්‍රාහී ඉලක්කය පසුකර යාමට සමත් වුණා.
ශ්‍රී ලංකා කණ්ඩායම වෙනුවෙන් සටන්කාමී ඉනිමක් ක්‍රීඩා කළ කුසල් මෙන්ඩිස් ලකුණු 69 ක් රැස් කිරීමට සමත් වුණා. එසේම දසුන් ශානක ලකුණු 35 ක් හා චරිත් අසලංක ලකුණු 20 ක් ලබා ගත්තා.
කෙසේ වෙතත්, දෙරට අතර පැවැති 20යි 20 තරගාවලිය තරග 4-1ක් ලෙස ජය ගත්තේ ඔස්ට්‍රේලියානු කණ්ඩායමයි.
More Stories
ශ්‍රී ලංකා ක්‍රිකට් ඒ කණ්ඩායමට තීරණාත්මක දවස
පැරිස් පැරාලිම්පික් ක්‍රීඩා උළෙල ඇරඹීමට සූදානම්
විදේශයන්හි පැවති ඔලිම්පික් ක්‍රීඩා උළෙලක විශිෂ්ටතම දස්කම් දැක්වීමට චීනය මෙවර සමත් වෙයි