ශ්‍රී ලංකාව අද ගෞරවය රැකගැනීමේ සටනට

සංචාරක ශ්‍රී ලංකා කණ්ඩායම සහ ඕස්ටේ‍්‍රලියාව අතර තරග 5 කින් යුත් 20යි 20 ක්‍රිකට් තරගාවලියේ පස්වැනි හා අවසන් තරගය අද පැවැත්වෙනවා.

තරගාවලියේ පළමු තරග 4 ජය ගත් සත්කාරක ඕස්ටේ‍්‍රලියාව මේ වන විටත් තරගාවලිය ජය ගෙන අවසන්.

මීට පෙර පැවැති එම තරග මෙරට වේලාවෙන් පස්වරු 1.40ට ආරම්භ කෙරුනද අද තරගය මෙල්බර්න් ක්‍රීඩාංගනයේ දී ආරම්භ වීමට නියමිතව ඇත්තේ මෙරට වේලාවෙන් පෙරවරු 11.40ට යි.

ශ්‍රී ලංකාව අවසන් වරට ඕස්ටේ‍්‍රලියාවේ දී ක්‍රීඩා කර ඇති 20යි 20 තරග අටම පරාජයට පත්ව තිබෙනවා.

මෙවර 20යි 20 ලෝක කුසලාන තරගාවලිය ද ඕස්ටේ‍්‍රලියාවේ දී පැවැත්වීමට නියමිතව ඇති බැවින්, මෙම තරගාවලියේ අවසන් තරගය හෝ ජයග්‍රාහී ලෙස නිමා කර ගැනීම ශ්‍රී ලංකා කණ්ඩායමට වැදගත් වනු ඇති.