ශ්‍රී ලංකා කණ්ඩායමට අයි.සී.සී. යෙන් දඩයක්

ශ්‍රී ලංකා ක්‍රිකට් කණ්ඩායමට අන්තර්ජාතික ක්‍රිකට් කවුන්සිලය විසින් දඩ නියම කර තිබේ.

ඒ පසුගිය 20 වැනිදා ඉන්දීය කණ්ඩායම සමග පැවැති දෙවන එක්දින තරගයේදී නියමිත කාලයට පන්දුවාර 50 යවා නිම නොකිරීම හේතුවෙනි.

ඒ අනුව සියලු ක්‍රීඩකයින් තරග ගාස්තුවෙන් සියයට 20ක දඩ මුදලක් පැනවීමට තරග තීරකවරයා ලෙස කටයුතු කළ රංජන් මඩුගල්ල මහතා පියවර ගෙන ඇත.

මෙම වරද හේතුවෙන් ලෝක කුසලාන ක්‍රිකට් තරගාවලියේ සුපර් ලීගයේ ප්‍රසාද ලකුණු සටහනෙන් ශ්‍රී ලංකා කණ්ඩායමට තවත් ප්‍රසාද ලකුණක් අහිමිවී ඇත.