ශ්‍රී ලංකා යොවුන් ක්‍රිකට් කණ්ඩායමට ජය

එක්සත් අරාබි එමීර් රාජ්‍යයේ පැවැත්වෙන වයස අවුරුදු 19න් පහළ යොවුන් ආසියානු කුසලාන ක්‍රිකට් තරඟාවලිය ජයග්‍රහණයකින් ආරම්භ කිරීමට ශ්‍රී ලංකා යොවුන් කණ්ඩායම සමත් වුණා

ඒ, බී කාණ්ඩය යටතේ පැවති තරඟයකදී කුවේට් කණ්ඩායමට එරෙහිව ලකුණු 274ක දැවැන්ත ජයග්‍රහණයක් වාර්තා කරමින්

සාජා හි පැවති මෙම තරඟයේ පළමුවෙන් පන්දුවට පහර දුන් ශ්‍රී ලංකා 19න් පහළ කණ්ඩායම නියමිත පන්දුවාර 50 අවසානයේ කඩුලු 5ක් පමණක් දැවී ලකුණු 325ක් ලබා ගත්තා

පවන් පතිරාජ වේගවත් ලකුණු 86ක් රැස්කළේ පන්දු 72කට පමණක් මුහුණ දෙමින්

ලකුණු 326ක ජයග්‍රාහි ඉලක්කයක් හඹාගිය කුවේට් ක්‍රීඩකයින්ට පන්දුවාර 17. 3ක් අවසානයේ සියලු දෙනා දැවී ලබාගත්තේ ලකුණු 49ක් පමණයි

පන්දු යැවීමේදී දුනිත් වෙල්ලාලගේ ලකුණු 2කට කඩුලු 4ක් දවා ගත්තා