සංචාරකයන්ට ඇමෙරිකාව විවෘත කිරීමට තීරණයක්

පූර්ණ එන්නත්කරණයට ලක්වූ රටවල් 33 ක සංචාරකයින් සඳහා නොවැම්බර් 8 දා සිට දේශ සීමා නැවත විවෘත කරන බව ඇමරිකාව නිවේදනය කළා.

ධවල මන්දිරය ප්‍රකාශ කළේ නව නීතිරීතිවලට අනුව, සංචාරය කිරීමට පැය 72 කට පෙර කොවිඩ් පරීක්ෂණයකට යොමු විය යුතු බවයි.

පසුගිය වසර මුල සිට ඇමෙරිකාව සංචාරකයින් සඳහා දැඩි සීමා පනවා තිබුණා.

සීමා ළිහිල් කිරීම එක්සත් රාජධානිය, බ්‍රසීලය, චීනය, ඉන්දියාව, ඉරානය, අයර්ලන්තය සහ දකුණු අප්‍රිකාව මෙන්ම යුරෝපා රටවල් 26 කට අදාල බවයි විදෙස් වාර්තා වල දැක්වෙන්නේ.

කෙසේ වෙතත්, ඇමෙරිකාවේ නව ප්‍රතිපත්තිය ආන්දෝලනයට තුඩු දී ඇති බවයි විදෙස් මාධ්‍ය වාර්තා කර ඇත්තේ.