තැපැල් සේවාවන් සිදුකරන දින ගණන සීමා කිරීමට තැපැල් දෙපාර්තමේන්තුව තීරණය කර තිබේ.
නිවේදනයක් නිකුත් කරමින් තැපැල්පති රංජිත් ආරියරත්න මහතා සදහන් කළේ නිරෝධායන ඇඳිරි නීතිය පවතින ඉදිරි සතිය තුළ දිවයිනේ සියලු තැපැල් කාර්යාල සඳුදා, අඟහරුවාදා, සිකුරාදා හා සෙනසුරාදා විවෘතව තැබෙන බවයි.
බදාදා සහ බ්‍රහස්පතින්දා දින 2ක තැපැල් කාර්යාල වසා තබන බව එම නිවේදනයේ සදහන් වේ.
නිරෝධායන ඇඳිරිනීතිය පවතින කාලය තුළ කාර්යාමණ්ඩලයේ 500ක් පමණ කොවිඩ් ආසාදනය වූ බව ද තැපැල්පතිවරයා සදහන් කරයි.
මේ හේතුවෙන් තැපැල් කාර්යාල 50ක් පමණ පවත්වාගෙන යා නොහැකි තත්ත්වයක් පවතින බව ඔහු සදහන් කරයි.
කෙසේ වෙතත් වැඩිහිටි ආධාර දීමනා ඇතුළු ගෙවීම් කටයුතු ලබන 17 වනදා සහ 18 වනදා සිදුකිරීමට නියමිතව තිබේ.
More Stories
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට