සමගි ජන බලවේගයේ නව නිළධාරී මණ්ඩලය අද පත්කෙරුණා.
ඒ පෙරවරුවේ පැවති පක්ෂයේ පළමු කෘත්‍යාධිකාරී මණ්ඩල රැස්වීමේදීයි.
මේ අනුව පක්ෂ නායකයා ලෙස විපක්ෂ නායක සජිත් ප්‍රේමදාස මහතාද, මහ ලේකම් ලෙස රංජිත් මද්දුමබණ්ඩාර මහතාද, සභාපති ලෙස ෆීල්ඩ් මාර්ෂල් සරත් ෆොන්සේකා මහතාද පත්ව සිටිනවා.
ජාතික සංවිධායක ලෙස තිස්ස අත්තනායක මහතාද, ජ්‍යෙෂ්ඨ නියෝජ්‍ය සභාපතිවරුන් ලෙස ලක්ෂ්මන් කිරිඇල්ල, කබීර් හෂීම්, ඉමිතියාස් බාකීර් මාකර්, රාජිත සේනාරත්න, කුමාර වෙල්ගම සහ රවීන්ද්‍ර සමරවීර යන මහත්වරුන්ද පත්කර තිබෙනවා.
තළතා අතුකෝරළ, ගයන්ත කරුණාතිලක, දිලිප් වෙදආරච්චි, ඒ එච් එම් හලීම්, චන්ද්‍රාණි බණ්ඩාර, පී හැරිසන්, හරීන් ප්‍රනාන්දු සහ සුජීව සේනසිංහ යන මහත්ම මහත්මීන් උප සභාපතිවරුන් ලෙස කටයුතු කරනු ඇති.
ආචාර්ය හර්ෂ ද සිල්වා මහතා සමගි ජන බලවේගයේ භාණ්ඩාගාරික ධුරයටත්, අජිත් පී පෙරේරා මහතා ප්‍රධාන විධායක ලෙසටත් පත්වීම් ලැබුවා.
ඊට අමතරව නියෝජ්‍ය ලේකම්වරුන් 04 ක්, නියෝජ්‍ය ජාතික සංවිධායකවරුන් 03 ක් සහ නීති ලේකම්වරුන් දෙදෙනෙකුද සමගි ජන බලවේගයේ නව නිළධාරී මණ්ඩලයට ඇතුළත්.
More Stories
විශ්වවිද්‍යාල අනධ්‍යයන සේවක වර්ජනය අවසන්
ජනාධිපතිවරණයට එරෙහි පෙත්සම නිෂ්ප්‍රභ කෙරේ
ආරක්ෂක අංශ අවහිර නොතකා රාජිත ඇමෙරිකානු තානාපති කාර්යාලයට