ජාත්‍යන්තර මූල්‍ය අරමුදලේ වැඩසටහන තුළ මේ වන විට ඉතා හොඳ ප්‍රගතියක් අත්පත් කර ගෙන ඇති බවත්, මූල්‍ය අරමුදලෙන් හිමිවන මීළඟ වාරිකය ලබන මාසයේ දී ලබා ගැනීමට හැකි වනු ඇතැයි විශ්වාස කරන බවත් ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතා පවසයි. ඊයේ (28) ශ්‍රී ලංකා මහ බැංකු මූලස්ථාන පරිශ්‍රයේ පැවති මාධ්‍ය හමුවක දී අධිපතිවරයා මේ බව කියාසිටියේය.
එමෙන්ම ඉදිරි කාලය තුළ සමස්ත ණය පොලී අනුපාතික තව දුරටත් අඩු වීමක් සිදු වනු ඇති බව ද හෙතෙම පැවසීය. දේශීය ආර්ථික ක්‍රියාකාරකම් යථා තත්ත්වයට පත් වීම හේතු කොට ගෙන විදේශීය අංශය ද ශක්තිමත් වී, සංචාරක ඉපයීම් සහ විදේශීය සේවා නියුක්තිකයන්ගෙන් ලැබෙන ආදායම් වැඩි වී ඇත. එහෙයින් මේ වසරේ මේ දක්වා කාලය තුළ ශ්‍රී ලංකා රුපියල සමස්තයක් ලෙස ඇමරිකා ඩොලරයට සාපේක්ෂව 8%කින් පමණ අතිප්‍රමාණය වී ඇති බව ද ආචාර්ය නන්දලාල් වීරසිංහ මහතා වැඩිදුරටත් සඳහන් කරයි.
More Stories
චීනය සමග පවත්නා ද්විපාර්ශ්වික ආයෝජන ඇමරිකාව සීමා කිරීමෙන් සිය ප්‍රතිලාභයට හානි වේ
චීන නාවික හමුදා පුහුණු ක්‍රියාකාරකම් සම්බන්ධයෙන් ඔස්ට්‍රේලියාව කරුණු විකෘති කිරීම කෙරෙහි චීන ජාතික ආරක්ෂක අමාත්‍යංශය ප්‍රතිචාරය දක්වයි
ඇමරිකානු නව පරිපාලනය සම්බන්ධයෙන් ගෝලීය සමීක්ෂණයක්