සියලුම බස් රථ සංගම් ඒකාබද්ධ අඛණ්ඩ වර්ජනයක නිරත වීමට තීරණය කර තිබෙනවා.
අද නාරාහේන්පිට ප්‍රදේශයේ පැවැති මාධ්‍ය හමුවකට එක්වෙමින් සමස්ත ලංකා පෞද්ගලික බස් හිමියන්ගේ සංගමයේ ප්‍රධාන ලේකම් අංජන ප්‍රියන්ජිත් මහතා මේ බව පැවසුවා.
ඒ අනුව ලබන 18 වනදා මධ්‍යම රාත්‍රීයේ සිට අඛණ්ඩ වර්ජනයක නිරත වීමට එම සංගමය තීරණය කර තිබෙනවා.
බස් කර්මාන්තයේ නියැලෙන පිරිස් මුහුණ දෙන ගැටළුවලට රජයෙන් කිසිදු විසදුමක් නොලැබීම හේතුවෙන් මෙම තීරණය ගත් බවයි අංජන ප්‍රියන්ජිත් මහතා සදහන් කළේ.
රජය ප්‍රකාශ කළ පරිදි බස් රථ සදහා 4% පොලී අනුපාත යටතේ ලක්ෂ තුනක ණය පහසුකම් ලබාදීම, පෞද්ගලික බස් රථ සදහා ලොග් සටහන්පත් සඳහා මුදල් අය නොකිරීම, ලීසිං සහනය ලබාදීම, ජාතික ගමනාගමන කොමිෂන් සභාව සහ පළාත් ප්‍රවාහන අධිකාරිය ඉවත්කර ලංගම සහ පෞද්ගලික බස් රථ පාලනයට වෙනම ආයතනයක් ස්ථාපිත කිරීම ඇතුළු ඉල්ලීම් සම්බන්ධයෙන් රජයෙන් ඉල්ලීම් කර ඇති බවද ඔහු පැවසුවා.
ලබන 15 වනදා වන විට මෙම ගැටළුවලට විසදුම් නොලැබුණහොත් ලබන 18 වනදා සිට වර්ජනය ආරම්භ කරන බවයි අංජන ප්‍රියන්ජිත් මහතා වැඩිදුරටත් සදහන් කළේ.
More Stories
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට