හිටපු ඉන්දීය ක්‍රිකට් නායක එම්.එස්. දෝනි ගේ ජිවිත කතාව අළලා නිෂ්පාදනය කළ MS Dhoni-Untold Story චිත්‍රපටයේ දෙවන කොටස සිනමාවට නැගීමට තමන් තුළ තිබු බලාපොරොත්තුව සම්පුර්ණයෙන්ම නැතිවූ බව අරුන් පාන්ඩේ පවසනවා.
හිටපු ඉන්දීය ක්‍රිකට් නායක මහේන්ද්‍ර සිං දෝනි ගේ කළමනාකරු සහ ඔහුගේ සමිපතයෙක් වන අරුන් පාන්ඩේ මේ බව කියා සිටියේ චිත්‍රපටයේ දෝනි ගේ චරිතයට පණ පෙවූ සුෂාන්ත් සිං රාජ්පුත්ගේ හදිසි මරණය තමන් කිසිසේත් බලාපොරොත්තු නොවූ සිදුවීමක් ලෙස ද හඳුන්වා සිටියා.
” ඔහු සැබවින්ම දක්ෂ නළුවෙක්. දෝනි ගේ චරිතයට පණ පොවනවා කියන්නේ ලේසි කාර්යයක් නෙමේ. චිත්‍රපටයේ රූගත කිරිමට වසරකට පෙර සිට දෝනි සමග කටයුතු කිරිම ඇරඹුවා. ඔහුට අවශ්‍ය උනා චරිතයට සාධාරණයක් කරන්න.
ඒ වගේම දෝනි වගේ කඩුලු රැකීම පහසු කරුණක් නෙමෙයි. ඔහු හිටපු ප්‍රවීන කඩුලු රකින්නෙක් වන කිරාන් මොරේ යටතේ හරියටම වසරක් පුහුණුවීම් ලැබුවා.
චිත්‍රපටයේ රූගත කිරිමේදී සුෂාන්ත් දෙවරක් ආබාධයට ලක්වුණා. නමුත් ඒ අවස්ථා දෙකේදීම බොහෝ සෙයින් කැපවෙලා යළි රූගත කිරීම් වලට සහභාගී උනා.
සත්‍යවශයෙන්ම කිව්වොත් දෝනි පවා පුදුම වුණා ඔහුගේ කැපවීම සහ උනන්දුව ගැන. ඔහුගේ කැපවීමට ප්‍රථිපලය ලැබුණා. චිත්‍රපටය අති සාර්ථක උනා” අරුන් පාන්ඩේ කියා සිටියා.
More Stories
විශ්වවිද්‍යාල අනධ්‍යයන සේවක වර්ජනය අවසන්
ජපුර විශ්වවිද්‍යාලයෙන් රුසියානු භාෂා ඩිප්ලෝමා පාඨමාලාවක්
උසස් පෙළ අයදුම්පත් යොමු කිරීමේ කාලය දීර්ඝ කෙරේ