හික්කඩුව ප්‍රදේශයේ කොවිඩ් මර්දන එන්නත්කරණ මධ්‍යස්ථානයක පසුගියදා ඇතිවූ කළහකාරී සිද්ධිය සම්බන්ධයෙන් පරීක්ෂණයක් පවත්වන්නැයි පොලිස්පතිවරයා වෙත දැනුම් දෙන ලෙස සෞඛ්‍ය අමාත්‍ය කෙහෙළිය රඹුක්වැල්ල මහතා විසින් සෞඛ්‍ය සේවා අධ්‍යක්ෂ ජනරාල්වරයාට උපදෙස් දී තිබෙනවා.
නිවේදනයක් නිකුත් කරමින් අමාත්‍ය කෙහෙළිය රඹුක්වැල්ල මහතා පෙන්වා දෙන්නේ පසුගිය දිනවල විවිධ ප්‍රදේශවල එන්නත්කරණ මධ්‍යස්ථානවලින් වාර්තා වූ සිද්ධීන් පිළිබදව අවධානය යොමුකර ඇති බවයි.
ඒ පිළිබද තොරතුරු රැසක් ලැබී ඇති බවයි අමාත්‍යවරයා පවසන්නේ.
මෙරට කොවිඩ් මර්දන එන්නත්කරණ ක්‍රියාවළිය පිළිබද ජාත්‍යන්තරයේද ඉහළ පැසසුමට ලක්ව ඇති බව කෙහෙළිය රඹුක්වැල්ල මහතා පෙන්වා දෙනවා.
එවැනි තත්වයක් තුළ එන්නත්කරණ ක්‍රියාවළිය අප්‍රසාදයට ලක්කිරීමේ අරමුණකින් යම් දේශපාලන කණ්ඩායමක් ක්‍රියා කරන්නේදැයි සැක මතුවන බවයි අමාත්‍යවරයා නිකුත් කර ඇති නිවේදනයේ දැක්වෙන්නේ.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ