ප්‍රංශයේ හිටපු ජනාධිපති නිකලස් සා(ර්)කොයි ට එරෙහිව වසරක සිර දඬුවමක් නියම කිරීමට එරට අධිකරණයක් තීන්දු කර තිබේ.
ඔහු විසින් නීතිවිරෝධී ලෙස 2012දී ජනාධිපතිවරණ ව්‍යාපාරයට මුදල් යෙදවූ බවට ඔහුට එරෙහිව චෝදනා එල්ලවී තිබුණි.
66 හැවිරිදි සා(ර්)කොයි තමා වැරද්දක් නොකළ බව පැවසීය. ඔහු අද (30) අධිකරණයට පැමිණ සිටි බව විදෙස් මාධ්‍ය වාර්තා කළේය.
හිටපු ජනාධිපතිවරයාගේ නීතිඥයා පැවසුවේ ඔවුන් එම තීන්දුවට එරෙහිව අභියාචනයක් ඉදිරිපත් කරන බවය.
එම මැතිවරණ ව්‍යාපාරයට සා(ර්)කොයි විසින් යුරෝ මිලියන 22.5ක් වියදම් කර ඇති අතර එය එසේ වියදම් කළ හැකි උපරිම මුදලට වඩා දෙගුණයක් ය.
නමුත් එම ජනාධිපතිවරනයේදී ඔහු ෆ්රන්කොයි හොලන්ඩේ ට පරාජය විය.
More Stories
චීන-බ්‍රසීල සබඳතාවන්හි ස්වර්ණමය ඇරඹුමක් සටහන් කළ චීන ජනපතිගේ බ්‍රසීල සංචාරය
වීසා රහිත ප්‍රතිපත්තිය ක්‍රියාත්මක රටවලට තවදුරටත් පහසුකම් වැඩි කිරීමට චීනයෙන් තීරණයක්
චීනයේ විදේශ වෙළඳාමේ කැපීපෙනෙන වර්ධනයක්