හොරු අල්ලන්න කියලා ආපු ආණ්ඩුව අන්තිමට ඇල්ලුවේ වලිසුන්දරව

අයවැය විවාදයේදී මහජන නියෝජිතයන් විවාද කළයුත්තේ ජනතාව වෙනුවෙන් බවත් එහෙත් අද බොහෝදෙනා විවාදයේදී අදහස් දැක්වූයේ පබ්ලිසිටි සඳහා හෝ ජනාධිපතිවරයා අගමැතිවරයාට සතුටු කර ඇමති ධුරයක් ලබා ගැනීම වෙනුවෙන් හෝ පමණක් බව පාර්ලිමේන්තු මන්ත්‍රී රන්ජන් රාමනායක මහතා පවසනවා.

ඔහු මේ බව සඳහන් කළේ අද (20) අයවැය විවාදයේදී අදහස් දක්වමිනි. දිනකට ජනතා මුදල් රුපියල් ලක්ෂ 80 ක් වැය කරමින් පාර්ලිමේන්තුව රැස් කරන්නේ ජනතාව වෙනුවෙන් බවත්, එහෙත් මහජන නියෝජිතයන් එම මුදල් තමන්ගේ පෞද්ගලික අරමුණු වෙනුවෙන් භාවිතා කරන බවත් ඔහු පවසනවා.

1994 සිට මේ දක්වාම සිටියේ ශ්‍රීලනිපයේ හෝ ඊට සම්බන්ධ ජනාධිපතිවරුන් බවත්, එම කාලසීමාව තුළ වැඩිම කාලයක් ආණ්ඩු බලයේ සිටියේදී ඔවුන් බවත් පෙන්වා දෙන රන්ජන් රාමනායක මහතා ශ්‍රී ලංකාව තවමත් සංවර්ධනය වෙමින් පවතින රටක් ලෙසම හැඳින්වීමෙන්, ෆේල් කවුරුන්ද යන්න හොඳින්ම පැහැදිලි බව අවධාරණය කරනවා.

හොරුන් ඇල්ලීමට පැමිණි ආණ්ඩුව අන්තිමට මුහුණු ආවරණයක් නොපළඳා රුපියල් 5000ක් ලබා ගැනීමට ගොස් සිටියදී තමන්ගේ මිත්‍රයෙකු වන වන්ෂෝට් චිත්‍රපටයේ වලිසුන්දර ලෙස රංගනයෙන් දායක වූ විල්සන් කරූව අත්අඩංගුවට ගෙන ඇති බව රන්ජන් රාමනායක මහතා සඳහන් කර සිටියේය.