19 න් පහළ ශ්‍රී ලංකා – බංග්ලාදේශ කණ්ඩායම් අතර තරඟ 5කින් සමන්විත යොවුන් එක්දින ජාත්‍යන්තර ක්‍රිකට් තරඟාවලියේ සිව්වන තරඟයෙන්ද එක් කඩුල්ලක තියුණු ජයක් ලබා ගැනීමට ශ්‍රී ලංකා යොවුන් ක්‍රීඩකයන් සමත් වුණා.
රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේ පැවති මෙම තරඟයේ කාසියේ වාසිය දිනූ බංග්ලාදේශ කණ්ඩායමේ නායකයා පළමුවෙන් පන්දුවට පහර දීමට තීරණය කළා.
ඒ අනුව නියමිත පන්දුවාර 50 තුල කඩුළු 8ක් දැවී ඔවුන් රැස් කළ ලකුණු සංඛ්‍යාව 224ක්.
ලකුණු 225ක ඉලක්කයක් හඹා යාමට පිටියට පැමිණි ශ්‍රී ලංකා පිතිකරුවන් පන්දුවාර 49යි පන්දු 3කදී කඩු`ඵ 09 ක් දැවී ලකුණු 225 ක් ලබා තියුණු ජයග්‍රහණයක් වාර්තා කිරීමට සමත් වුණා.
ඒ අනුව තරඟ 4 ට බින්දුවක් ලෙස ශ්‍රී ලංකාව මේ වනවිටත් තරඟාවලිය ජයග්‍රහණය කර ඇති අතර දෙරට අතර අවසාන එක්දින තරඟය හෙට පැවැත්වීමට නියමිතයි.
More Stories
ශ්‍රී ලංකා ක්‍රිකට් ඒ කණ්ඩායමට තීරණාත්මක දවස
පැරිස් පැරාලිම්පික් ක්‍රීඩා උළෙල ඇරඹීමට සූදානම්
විදේශයන්හි පැවති ඔලිම්පික් ක්‍රීඩා උළෙලක විශිෂ්ටතම දස්කම් දැක්වීමට චීනය මෙවර සමත් වෙයි