නව වැනි පාර්ලිමේන්තුවේ සිව්වන සැසිවාරය විවෘත කිරීම ජනාධිපතිවරයාගේ ප්‍රධානත්වයෙන් අද (08) සිදු කෙරේ.
ඒ සඳහා වන උත්සවය ආරම්භ කෙරෙන්නේ අද පෙරවරු 9.30 ටයි.
නව වන පාර්ලිමේන්තුවේ තෙවන සභා වාරය පසුගිය වසරේ අගෝස්තු මස 3න් වැනිදා අභිනවයෙන් පත් වූ ජනාධිපති රනිල් වික්‍රමසිංහ මහතා විසින් ආරම්භ කෙරුණු අතර එම සභාවාරය පසුගිය ජනවාරි මස 27 වැනිදා අවසන් කෙරුණි.
අද නව සභාවාරය ආරම්භ කරමින් ජනාධිපතිවරයා ආණ්ඩුවේ ප්‍රතිපත්ති ප්‍රකාශය ඉදිරිපත් කිරීමට නියමිතය.
ජනාධිපතිවරයා සිය කතාවෙන් අනතුරුව පාර්ලිමේන්තුව කල් තැබීම සිදුකෙරෙන බව වේත්‍රධාරී නරේන්ද්‍ර ප්‍රනාන්දු මහතා පැවසුවේය.
මේ අතර අද දිනයේ පාර්ලිමේන්තුවේ සිව්වන සභාවාරයට සහභාගී නොවීමට විපක්ෂය නියෝජනය කරන සමගි ජන බලවේගය තීරණය කර ඇති බව තිස්ස අත්තනායක මන්ත්‍රීවරයා පවසයි.
More Stories
චීන මහජන සමූහාණ්ඩුව සහ ශ්‍රී ලංකා ජනරජය අතර ඒකාබද්ධ නිවේදනයක්
චීන ජාතික මහජන කොංග්‍රසයේ ස්ථාවර කමිටුවේ සභාපති සහ ශ්‍රී ලංකා ජනපති අතර හමුවක්
චීන අගමැති සහ ශ්‍රී ලංකා ජනපති අතර හමුවක්