මහර ගැටුමෙන් මියගිය තවත් රැඳවියන් 4දෙනෙකුගේ සිරුරු හඳුනාගැනේ

මහර ගැටුමෙන් මියගිය රැඳවියන් 11 දෙනාගෙන් තවත් 4දෙනෙකුගේ සිරුරු ඊයේ හඳුනාගෙන තිබෙනවා.

ඔවුන් රතුපස්වල, එඬේරමුල්ල, මිනුවන්ගොඩ සහ අඟුරුවාතොට ප්‍රදේශවල පදිංචිකරුවන් බවයි වාර්තා වන්නේ.

එමෙන්ම මහර බන්ධනාගාර ගැටුම සම්බන්ධයෙන් තවත් 38 දෙනෙකුගෙන් ඊයේ ප්‍රකාශ සටහන් කරගෙන තිබෙනවා.

ඔවුන් අතරට බන්ධනාගාර නිලධාරීන් 11 දෙනෙක්, වෛද්‍යවරුන් දෙදෙනෙක් සහ රැඳවියන් 25 දෙනෙක් ඇතුළත්.

ඒ අනුව මේ වන විට මහර බන්ධනාගාර ගැටුම සම්බන්ධයෙන් 116 දෙනෙකුගෙන් ප්‍රකාශ සටහන් කරගෙන ඇති බව සඳහන්.