අධිකරණ ඇමති මොහාමඩ් අලි සබ්‍රි රුපියල් ලක්ෂ 170ක් මාසික කුලිය වශයෙන් ගෙවා ලෝක වෙළඳ මධ්‍යස්ථානයේ නැගෙනහිර කුලුනට අමාත්‍යාංශය ගෙනයාමට කර තිබූ සැලසුම ජනතා විරෝදය හමුවේ තාවකාලිකව නතර කර තිබේ.
රුපියල් කෝටි 41ක වියදමින් ලෝක වෙළඳ මධ්‍යස්ථානයේ නැගෙනහිර කුලුනේ 20, 21, 22, 23 මහල් හා බටහිර කුලුනේ 22 වන මහලේ වර්ග අඩි 35,000ක් 2021 ජනවාරි 01 සිට 2022 දෙසැම්බර් 31දක්වා ලබාගැනීමට අලි සබ්‍රි ඇමතිවරයාට කැබිනට් අනුමැතියද හිමව තිබිණි.
අධිකරණ අමාත්‍යාංශය සඳහා රුපියල් ලක්ෂ 170ක මාසික කුලියක් ගෙවමින් මෙම ගොඩනැගිල්ල ලබාගැනීමට සූදානම් වීමද පැවති රනිල් + මෛත්‍රී ආණ්ඩුව සමයේ රුපියල් ලක්ෂ 210ක මාසික කුලියකට කෘෂිකර්ම අමාත්‍යාංශයට ගොඩනැගිල්ලක් ලබා ගැනීමේ සිදුවීම හා සමාන බව සඳහන් කරමින් සමාජ මාධ්‍ය තුළ දැඩි විරෝධයක් වත්මන් ගෝඨාබය රාජපක්ෂ ආණ්ඩුවටත් අලි සබ්‍රි අධිකරණ ඇමතිවරයාටත් එල්ල විය.
එමෙන්ම අද (12) පෙරවරුවේ ජනතා නීතීඥ සංගමයේ පිරිසක්, රාජ්‍ය සේවකයින් සහ සිවිල් පුරවැසියන් පිරිසක් ශ්‍රේෂ්ඨාධිකරණ පිහිටි අලුත් කඩේ අධිකරණ භූමිය ආසාන්නයේ ඉදිකර ප්‍රයෝජනයක් නොගෙන තිබෙන මහල් 12කින් යුත් ගොඩනැගිල්ල ඉදිරිපිටට ගොස් විරෝධතාවයක් දක්වමින් පැවසූවේ කෝටි ගණන් මුදල් වියම් නොකර මෙම ගොඩනැගිලේ අධිකරණ අමාත්‍යාංශය පවත්වාගෙන යාමට හැකි බවයි. එහි එ් සඳහා ප්‍රමාණවත් ඉඩකඩ ඇතැයිද ඔවුන් පෙන්වා දෙන ලදී.
මෙලෙස එල්ල වූ සියලුම ආකාරයේ විරෝධතා හමුවේ මේ වනවිට අධිකරණ අමාත්‍යාංශය ලෝක වෙළඳ මධ්‍යස්ථානය වෙත ගෙනයාමේ තීරණය තාවකාලිකව නතර කර තිබේ.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ