2021 ජනවාරි 22 වනදා සිට විදෙස් සංචාරකයින් ඇතුළු සියලුම වාණිජ ගුවන් ගමන් සඳහා මෙරට ගුවන් තොටුපොල විවෘත කිරීමට පියවර ගන්නා බව රාජ්‍ය අමාත්‍ය නිමල් ලංසා මහතා පවසයි.
ඒ අනුව සෞඛ්‍ය අංශවල විශේෂ අධීක්ෂණය යටතේ ආරක්ෂිත ක්‍රමවේද අනුගමනය කරමින් රට විවෘත කෙරෙන බවයි ඒ මහතා සඳහන් කළේ.
ප්‍රධාන වසංගත රෝග විද්‍යාඥ, විශේෂඥ වෛද්‍ය සුදත් සමරවීර මහතා ද ප්‍රකාශ කළේ සෞඛ්‍ය මාර්ගෝපදේශයන්ට අනුගතවෙමින් ගුවන්තොටුපොළ විවෘත කිරීමට පියවර ගැනීම ගැටලුවක් නොවන බවය.
“සංචාරක ව්‍යාපාරය මෙරට ආර්ථිකයට විශාල ශක්තියක් සපයනවා. ඒ නිසා සංචාරක ව්‍යාපාරය ඉතා ඉක්මණින් නැවත ආරම්භ කිරීමේ අවශ්‍යතාව තියෙනවා. නමුත් අපි එය සිදුකළ යුත්තේ කොවිඩ් -19 වසංගතයේ ආසාදිතයින් අපේ රටතුළ නිදැල්ලේ හැසිරීමට අවස්ථාවක් නොලැබෙන ආකාරයෙන්,” යනුවෙන් ද විශේෂඥ වෛද්‍ය සුදත් සමරවීර මහතා පැවසීය.
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ