ට්‍රම්ප්ගේ ට්විටර් ගිණුම ස්ථිරවම අත්හිටුවයි

ජනාධිපති ට්‍රම්ප්ගේ ගිණුම සිය සමාජමාධ්‍ය වේදිකාවෙන් ස්ථිරවම අත්හිටුවා ඇති බව ට්විටර් සමාගම පවසනවා.

“RrealDonaldTrump ගිණුමේ මෑත කාලීන ට්වීට් හා ඒවා වටා ඇති සන්දර්භය සමීපව සමාලෝචනය කිරීමෙන් පසුව, ප්‍රචණ්ඩත්වය තවදුරටත් උසිගැන්වීමේ අවදානම හේතුවෙන් අපි ගිණුම ස්ථිරවම අත්හිටුවා ඇත්තෙමු. මේ සතියේ බිහිසුණු සිදුවීම් සන්දර්භය තුළ, ට්විටර් රීති අතිරේක උල්ලංඝනය කිරීම් මෙම ක්‍රියාමාර්ගයටම හේතු විය හැකි බව අපි බදාදා පැහැදිලි කළෙමු.” යනුවෙන් ඒම සමාගම නිවේදනය කරයි.

සිකුරාදා දහවල් ට්‍රම්ප් විසින් කරන ලද ට්වීට් දෙකකින් පසුව ට්විටර් ගිණුම තාවකාලිකව අත්හිටුවා තිබුණා. ට්විටර් පණිවුඩය ප්‍රචණ්ඩත්වය උත්කර්ෂයට නැංවීමට එරෙහි සමාගමේ ප්‍රතිපත්තිය උල්ලංඝනය කළ අතර ට්විටර් ප්‍රකාශ කළේ, “මෙම ට්වීට් දෙක කියවිය යුත්තේ රටේ පුළුල් සිදුවීම් සහ ජනාධිපතිවරයාගේ ප්‍රකාශ ප්‍රචණ්ඩත්වය උසිගැන්වීම ඇතුළු විවිධ ප්‍රේක්ෂකයින් බලමුලු ගැන්විය හැකි ආකාරය අනුව බවයි.

පළමු ට්වීට් එක ට්‍රම්ප්ගේ ආධාරකරුවන් ගැනයි.
“The 75,000,000 great American Patriots who voted for me, AMERICA FIRST, and MAKE AMERICA GREAT AGAIN, will have a GIANT VOICE long into the future. They will not be disrespected or treated unfairly in any way, shape or form!!!”

දෙවැන්න පෙන්නුම් කළේ ට්‍රම්ප් ජෝ බිඩෙන්ගේ සමාරම්භක උත්සවයට සහභාගී වීමට අදහස් නොකරන බවයි.
“To all of those who have asked, I will not be going to the Inauguration on January 20th.”

සමාරම්භක උත්සවය පිළිබඳ ට්වීට් එක මැතිවරණය නීත්‍යානුකූල නොවන බවට තවදුරටත් ප්‍රකාශයක් ලෙස සැලකිය හැකි බව ට්විටර් ප්‍රකාශ කළා. ආරම්භක උත්සවය ප්‍රචණ්ඩත්වය සඳහා “ආරක්ෂිත” ඉලක්කයක් වනු ඇති බවට ට්‍රම්ප් පැවසූ පරිදි ට්වීට් එක අර්ථ නිරූපණය කළ හැකි බවත්, එයට ඔහු සහභාගී නොවන බවත් එහි සඳහන් විය.