පරාක්‍රම සමුද්‍රයේ සියලු වාන් දොටු ඇරේ

පොලොන්නරුව දිස්ත්‍රික්කයට ඇද හැළෙන අධික වර්ෂාව හේතුවෙන් පරාක්‍රම සමුද්‍රයේ සියලුම වාන් දොරටු විවෘත කිරීමට පියවර ගෙන තිබෙනවා.

එලෙස වාන් දොරටු 10 ම විවෘත කරනු ලැබුවේ වසර තුනකට පසුව බවයි පොලොන්නරුව කලාප වාරිමාර්ග අධ්‍යක්ෂ එස්.කේ.හේවාගම මහතා සඳහන් කළේ.

දොරටු 8 ක් අඩියක් බැගින් ද දොරටු 2 ක් අඩි දෙක බැගින් ද විවෘත කර ඇති අතර මේ හේතුවෙන් ජලය තත්පරයට ඝන අඩි 1, 620 ක් පිටතට මුදා හැරෙනවා.

පහත් බිම් ජලයෙන් යට වීමේ අවදානමක් පවතින බැවින් ඒ පිළිබඳව අවධානයෙන් පසුවන ලෙසයි ආපදා කළමනාකරන මධ්‍යස්ථානය ජනතාවට දැනුම් දුන්නේ.