රන්ජන් පාර්ලිමේන්තු ගෙන්වන්නැයි ඉල්ලීමක්

වසර 04ක බරපතල සිර දඬුවම් ලබා සිටින රන්ජන් රාමනායක මහතාට පාර්ලිමේන්තු රැස්වීමට සහභාගී වීම සඳහා අවස්ථාව ලබාදෙන ලෙස සමගි ජන බලවේගය අද (18) දින කතානායකවරයාගෙන් ඉලීමක් කර ඇත.

එම ඉල්ලීම සිදුකර තිබෙන්නේ පාර්ලිමේන්තු සංකීර්ණයේ පැවති පක්ෂ නායක රැස්වීම අතරතුදීය.

මෙහිදී සමගි ජනබලවේගයේ මහලේකම් රංජිත් මද්දුමබණ්ඩාර, විපක්ෂයේ ප්‍රධාන සංවිධායක ලක්ෂ්මන් කිරිඇල්ල සහ දෙමළ ජාතික සන්ධානයේ පාර්ලිමේන්තු මන්ත්‍රී එම්. ඒ. සුමන්දිරන් යන මහත්වරුන් මෙහිදී කතානායකවරයා වෙත දිගින් දිගටම කරුණු ඉදිරිපත් කර තිබේ.