ලබන 21 වනදා සිට සංචාරකයින්ට රට විවෘත කිරීමට සියලු කටයුතු සූදානම් බව සංචාරක අමාත්‍යංශය නිවේදනය කරනවා.
ජනමාධ්‍ය අමාත්‍යංශයේදී අද පැවති සාකච්ඡාවකදී සංචාරක අමාත්‍ය ප්‍රසන්න රණතුංග මහතා පෙන්වා දුන්නේ මෙරටට පැමිණෙන සංචාරකයින්ගෙන් සමාජයටත්, සමාජයෙන් සංචාරකයින්ටත් කොවිඩ් 19 වසංගතය පැතිරීම වැළැක්වීම සදහා ගතයුතු සියලු පියවරයන් ගෙන ඇති බවයි.
පසුගිය දෙසැම්බර් මස 26 වෙනිදා ආරම්භ කෙරුණූ නියාමන ව්‍යාපෘතිය යටතේ යුක්රේන සංචාරකයින් 1500කට ආසන්න පිරිසක් මෙරටට පැමිණීමත් සමග ඒ හරහා ලැබුණු ආදායම රුපියල් මිලියන 420 ක්.
මෙම ව්‍යාපෘතියේදී හදුනාගත් සියලු අඩුපාඩු සහ ගැටලු නිවැරදි කර සෞඛ්‍ය මාර්ගෝපදේශ අනුව සංචාරකයින් මෙරටට ගෙන්වීමට පියවර ගෙන ඇති බවයි අමාත්‍යවරයා වැඩිදුරටත් කියා සිටියේ.
More Stories
මහ මැතිවරණයට අදාළ තැපැල් ඡන්ද සලකුණු කිරීම අදින් අවසන්
මහ මැතිවරණයේ ප්‍රචාරණ කටයුතු අවසන් වන දිනය පිළිබඳ දැනුම්දීමක්
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්