මිහින්තලේ ප්‍රාදේශීය සභා සැසිවාරය පැවැති අතරතුර කලහාකාරී ලෙස හැසිරෙමින් එම ප්‍රාදේශීය සභාවේ විපක්ෂ නායකවරයාට පහර දීමේ සිද්ධියක් සම්බන්ධයෙන් මිහින්තලේ පොලිසිය මගින් සැකපිට අත්අඩංගුවට ගෙන අධිකරණය හමුවට ඉදිරිපත් කළ මිහින්තලේ ප්‍රාදේශීය සභාවේ එක්සත් ජාතික පක්ෂ මන්ත්‍රීවරයා රුපියල් ලක්ෂයක ශරීර ඇපයක් මත මුදාහරින ලෙස අනුරාධපුර ප්‍රධාන මහෙස්ත්‍රාත් සහ අතිරේක දිසා විනිසුරු ජනක ප්‍රසන්න සමරසිංහ නියෝග කළේය.
ඒ විපක්ෂ නායකවරයාට පහර දුන් බවට තමන්ට එරෙහිව එල්ල කර ඇති චෝදනාවට තමන් නිවැරැදිකරු බව සැකකාර මන්ත්‍රීවරයා අධිකරණයට දැනුම් දීමෙන් අනතුරුවය.
ජූනි මස 23 වැනිදා අධිකරණය හමුවේ පෙනී සිටින ලෙසටද සැකකාර මන්ත්‍රීවරයාට තවදුරත් නියෝග කරනු ලැබීය. මෙසේ ඇප මත මුදා හැරියේ මිහින්තලේ ප්‍රාදේශීය සභාවේ එක්සත් ජාතික පක්ෂ මන්ත්‍රී ඉන්දක රුක්මන් යන අයයි.
පසුගිය 19 වැනිදා පැවැති මිහින්තලේ ප්‍රාදේශීය සභා සැසිවාරය අතරතුර සැකකාර මන්ත්‍රීවරයා කලහාකාරී ලෙස හැසිරෙමින් එම ප්‍රාදේශීය සභාවේ විපක්ෂ නායක එම්. බදූර් යන අයගේ කනට පහර දුන් බවට චෝදනා එල්ල වී තිබේ.
More Stories
නව රජයේ නියෝජ්‍ය අමාත්‍යවරුන් දිවුරුම් දෙයි
උද්ධමනය පහළට
පාසල් නිවාඩුව අද සිට ඇරඹේ