අද මධ්‍යම රාත්‍රියේ සිට ආරම්භ කිරීමට නියමිතව තිබූ පෞද්ගලික බස් වර්ජනය සතියකින් කල් දැමීමට බස් සංගම් තීරණය කර තිබෙනවා. මුදල් රාජ්‍ය අමාත්‍ය අජිත් නිවාඩ් කබ්රාල් මහතා සමග පැවති සාකච්ඡාවෙන් පසුව මෙම තීරණය ගෙන තිබේ.
බ්‍රහස්පතින්දා වනවිට මගී බස් කර්මාන්තයට බලපාන ගැටලු විසඳීමට ඇමතිවරයා පොරොන්දුවක් ලබාදුන් බවත්, එම පොරොන්දුවට අනුව වර්ජනය කල් දැමීමට තීරණය කළ බවත් සමස්ත ලංකා පෞද්ගලික බස් සමාගම් සමිති සම්මේලනයේ සභාපති අංජන ප්‍රියන්ජිත් මහතා පවසනවා.
පෞද්ගලික බස් රථවල ලීසිං පොලී අඩු කිරීම ඇතුළු ඉල්ලීම් කිහිපයක් මුල්කර ගනිමින් මෙම වර්ජනය ආරම්භ කිරීමට බස් සංගම් සූදානමින් සිටියේය.
පෞද්ගලික බස් වර්ජනය ක්‍රියාත්මක වුවහොත් මගී ජනතාව මුහුණ දෙන දුෂ්කරතා අවම කිරීමේ අරමුණින් ලංකා ගමනාගමන මණ්ඩලයේ සියලු සේවකයන්ගේ නිවාඩු අද සිට නැවත දැනුම් දෙනතුරු අවලංගු කිරීමටද රජය තීරණය කළේය.
More Stories
ආරක්ෂාව අඩුකිරීම ගැන හිටපු ජනපතිනියගෙන් මහජන ආරක්ෂක ලේකම්ට ලිපියක්
මහ මැතිවරණයේ තැපැල් ඡන්ද සලකුණු කිරීමේ තෙවන දිනය අදයි
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට