මාතර ප්‍රදේශයේ පැවැති සාදයකදී තරුණියකට අතවර කිරීමට උත්සාහ කළේ යැයි කියන ජාතික ක්‍රිකට් කණ්ඩායම නියෝජනය කරන ක්‍රීඩකයා පිළිබඳව පරීක්‍ෂණයක් පවත්වන බව ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා මහතා ‘ලංකාදීප’යට පැවසීය.
ශ්‍රී ලංකා ක්‍රිකට් ආයතනයට මෙම සිද්ධිය පිළිබඳව මේ දක්වා නිල වශයෙන් පැමිණිල්ලක් ලැබී නොමැති වුවද ජනමාධ්‍ය වාර්තා සහ සෙසු වාර්තා පදනම් කරගෙන පරීක්‍ෂණය ආරම්භ කරන බවත් ඈෂ්ලි ද සිල්වා මහතා පැවසීය.
සිංහල සහ දමිල අලුත් අවුරුදු සමයේ මාතර සුපිරි හෝටලයක පැවැති සාදයකදී චෝදනා එල්ල වන වමත් පිතිකරු එම සාදයට සහභභාගි වී සිටි තරුණියකට බීමතින් අතවර කිරීමේ සිද්ධියක් මේ වන විට දැඩි කථා බහට ලක්ව තිබේ.
මාතර මූලස්ථාන පොලිසියෙන් මේ පිළිබඳව කළ විමසුමේදී පැවසුවේ එවැනි සිද්ධියක් පිළිබඳව පැමිණිල්ලක් ලැබී නොමැති බවයි.
– මුලාශ්‍ර ලංකාදීප පුවත්පත
More Stories
බදුල්ල – මහියංගනය මාර්ගයේ බිහිසුණු බස් අනතුරක් – දෙදෙනෙක් මරුට
ශ්‍රී ලංකාවේ ණය වැඩසටහන ගැන පැහැදිලි කිරීම
තැපැල් ඡන්ද සලකුණු කිරීම ඇරඹේ